Subscribe
now to receive all the new
music
Geenger Records releases,
including
79 back-catalog items,
delivered instantly to you via the Bandcamp app for iOS and Android.
Learn more.
Vu plavem trnaci mi hiža stoji,
od zelenih veja ju videti ni.
Bogica je z dreva, ne vufa se reva
pokazat pred ludmi, kak da se boji.
Vre slaba je, stara prek stotinu let,
od njezine brajde posušil se cvet.
Od blata je zbita i škopom pokrita
ne moreš prav znati jel hiža il klet.
Nju muški su žulji prinesli na svet
za onda dok zagorec bil je još kmet.
Al bila je bela i z mirom vesela,
a sada od tuge se hoće podret.
I vnogi se lajtič vu njoj je ispil,
plebanuš, vučitel tu vinček je pil.
Z gosponom pogaču i orehovnjaču
je mužek rad drobil i srečen je bil.
Pod malim obločekom fantič je stal,
prelubleno dekle potiho je zval
i vnogi je pušlec zamenil za kušlec,
a morti je fantič v komori i spal.
V toj hiži se rodil je mogi vojak
i vsaki je sledni bil pravi junak.
Za tujca vojeval i krv je proleval
za falu su rekli mu da je bedak.
A hižica tiha ščekuje on čas
gda jenkrat i zagorcu došel bu spas.
Na oko je tiha, al veter zmir njiha
vu vejah šumečih starinski jen glas.
Em zagorcu samo je zagorje raj,
nigdar nebu zabil govoriti: kaj,
dok krv je proleval, on zmir je popeval
še enkrat bi rad videl zagorski kraj.
Pretrpel je muke črez jezero let
al zopet bu brajda potirala cvet.
Iz našega gorja vre javla se zorja,
vesela i srečna bu hiža i klet.
credits
from Vu plavem,
released March 4, 2022
Tekst i glazba: Đuro Prejac
Aranžman: Sandra Halužan